A vida diaria dos romanos é unha viaxe no tempo á Roma clásica para descubrirmos como vivían os seus habitantes. A través das páxinas deste libro, que percorre as distintas etapas da historia de Roma, asistimos ao nacemento dun neno ou nena, ao primeiro día de escola, aos seus enredos... Sabías que Roma foi fundada por un neno? Aquí cóntase como eran os xoguetes dos romanos, como se entretiña a rapazada, como vestían e como se bañaban, que comían, que deuses tiñan e como eran as súas casas. Tamén descubrimos as pegadas que os romanos deixaron en Galicia.

A aparición do cadáver de Sonia Cambeiro, unha nena de dez anos, vítima dun axuste de contas entre narcotraficantes, e o secuestro de Cachi, un camelo do instituto de Secundaria, mobilizan á policía en Areal do Conde. A intervención de Manolo Longueira, un novo profesor de inglés do centro, a afouteza de Rosa, a telefonista que recaba información para a revista Pulso semanal, e as pesquisas de Xavier Cabaleiro, un alumno enfermo de hepatite, e do seu pai permitirán desenredar o complexo nobelo tecido polos capos dunha rede mafiosa sen escrúpulos asentada nesta vila mariñeira das Rías Baixas.

Pepe Carballude naceu na aldea de Rubín (A Estrada) en 1956. Desde pequeno medrou escoitando contos populares e oíndo falar de lobos, pantasmas, mouros ou tesouros agochados. E, por suposto, de gazafellos, na procura dos cales se cadra andou cando tiña a túa idade. Desa vixencia da literatura que se contaba e que se transmitiu de xeración en xeración en Galicia, naceu o seu desexo de escribir. Con varios títulos da súa autoría que o sitúan entre os máis destacados escritores para nenos e mozos da lingua galega, Pepe Carballude conseguiu importantes premios, como O Barco de Vapor, que gañou en dúas ocasións.

Esta novela está construída a partir duns feitos reais. Paralela á historia da catástrofe, o autor sitúa a un responsable político empreñado en manter unha conducta íntegra nunha situación na que proliferan a demagoxia, o alarmismo e o partidismo pueril e sectario. Esta é unha novela de acción que obriga ó lector a unha reflexión sobre problemas do noso tempo como catástrofes ecolóxicas, a manipulación das masas, a responsabilidade na acción política e as discriminacións sociais.

Olalla é unha nena espelida e riquiña. Pero non é unha santa. Cando naceu a súa pequena irmá Andrea, apareceron uns seres estraños na casa. Son os Mimos, están todo o día enleando a Olalla, que é a única que sabe deles, pois son invisibles para os demais. Claro que desde que naceu a irmá parece que os pais de Olalla xa non lle dedican tanto tempo e cariño. ¡Isto non é xusto! Sendo a maior das dúas, deberían querela máis, ¿non? A cousa é difícil. A ver qué pasa.

A chegada dun grupo de voluntarios da Asociación para a Recuperación da Memoria Histórica para escavar o antigo Parque da cidade, onde se cre que están os restos dun fusilado pouco despois da Guerra Civil, desencadeará un lote de sorpresas, que saldarán débedas pasadas e avivecerán vellas historias adormecidas.
Novela de plena actualidade, na que se quere facer xustiza e homenaxear a persoas que pagaron coa vida a defensa dos seus ideais.