www.paquebote.com > PATXI ZUBIZARRETA
Batzuek ezagutzen dute Federiko Krutwigen Vasconia (1962) obra eztabaidagarri bezain polemikoa, baina gutxik dakite Paco Miangolarra filantropoak sustatu eta finantziatu zuela, Venezuelako erbestetik Ipar Euskal Herrira etorri berritan. Batzuek ezagutzen dute Herri Gogoa diskoetxea (1967-1981), edo ezagutzen dituzte Laboak, Lertxundik, Iriondok, Letek, Valverdek… Groseko estudio klandestinoan grabatutako diskoak, baina inork gutxik daki, Iñaki Beobideren laguntzarekin, Paco Miangolarra proiektu haren mezenas gertatu zela, lehen politikan bezala kulturan orain. Donostia, Paris eta Caracas lotuko dituzte laketontzi, gerraontzi eta baporeek, Martin Ugalde, Carolina Herrera, Lezo Urreiztieta edo María Callas itsasoz lotzen ahal diren modu berean. Ahanzturaren uretatik atera nahian, Miangolarra Gorostiaga familiaren historia harrigarria dakar elkarrizketetan oinarrituriko narrazio honek, Patxi Zubizarretak ohi duen idazmolde ederrean. Erbesteari eta, ezinbestean, herriminari buruzko sirena kantu bat.
Xabierri lagunek Midas esaten diote:
ez dute oso maite, eta haien gezurren eraginez gizajoari irakasleak asto belarriak ipini dizkio. Gainera, mutikoek lehenbailehen gizondu nahi dute: bizarra hazteko, nesken gogokoak izateko, ahulak baztertzeko…
Baina horretarako Zangozako zubitik ibaira jauzi egin behar omen da, eta ibaiak ur handi bulartsuak dakartza…
Horra istorioa, baina hori bezain erakargarria da kontatzeko modua, modu animaliatsua…
1987. urtea da: Sobietar Batasunak Soyuz espaziontzia orbitan jarri du; Salt Lake Cityn Theodore Kaczynskik –Unabomber– bonba bat jarri du; Ingalaterran Margaret Tatcherrek bere hirugarren eta azken agintaldia eskuratu du; Bartzelonako Hipercorren ETAk atentatua egin du 21 hildako eraginez; hiri horrexetara bizitzera joan den Adelak uztailaren 7an18 urte beteko ditu eta liburu honetako protagonista gaztea Hendaiatik harantz abiatuko da Uruguaik irabaziko duen Amerikako Futbol Kopa jokatzen ari diren bitartean. Ikasturte amaieran, San Juan suak elkartu zituen Tomas eta Adela, baina distantziak itzali egin dezake amodio sortu berria. Dena dela, Tomasek destinu petralaren aurrean etsi ez, eta Adelari hitz eman dio bizikletaz besterik ez bada ere, Kantauri itsasoa Mediterraneoarekin lotuz, urtebetetze egunean Katalunia plazan agertuko zaiola. Halaxe sortuko zaie hitzordua eta horixe iradokitzen du izenburuak: Erantzuna haizean dabil… Zer gertatuko da hainbeste kilometrotan zehar? Egun horretan norbait agertuko al da helmugako plazan?
Astelehenean daukan Gizarteko azterketa dela eta, larunbat arratsaldean Beñat etxean geratu da. Dena dela, asteburuetan ikasi behar izatea aspergarria zaionez, liburuak bertan behera utzi, eta gurasoen logelara jo du, aitari zigarro bat lapurtzeko asmotan. Baina zigarropean koaderno zahar bat dago, eguneroko moduko bat, eta horrexek piztuko du mutikoaren jakin-gosea, zeren han gerraosteko gazte baten bizipenak agertzen baitira, batzuk ezagunak, bestetzuk guztiz ezezagunak… Eta balkoian zigarroa erre bitartean, Beñatek bere mundua gaztearen munduarekin alderatuko du: ikasketak, maitasuna, gosea…
Joseba, pianista desafinado, 50 años. Nicolás, escritor patético, y Rafael, pintor apático, lo invitan a un recital que tiene lugar en un balneario: un regalo inesperado. Al principio en lo que parece una road movie y más tarde rodeados de aguas termales, cada cual observará su vida en silencio; después, uno a uno contarán sus secretos en voz baja: la muerte de personas cercanas, los conflictos sociales y personales, las enfermedades, los amores… Sin embargo, el día del recital las historias se enredan y se complican, hasta el punto de que la celebración termine en desastre. Incluso el agua, lejos de ser un don, se convertirá en diluvio universal. A través de los dibujos de Mintxo Cemillán, esta historia rebosa una fuerza simbólica muy especial y, gracias a Joserra Senperena al piano, un sugerente eco. Además, el harpa de Oihane Igerabide y las voces de Maddi Oihenart, Antton Valverde y Rafa Berrio servirán de guinda. En este libro queda patente que la capacidad de seducción de las palabras es mucho mayor cuando vienen acompañadas de imágenes y de música.
INFANTILES.
NOVELA. CUENTO. NARRATIVA.