Este libro, como delata o seu título, é froito de dúas pulsións radicalmente opostas nun tempo no que Martín Veiga ía atravesar a vivencia transformativa de converterse en pai por primeira vez -?a ganancia máis fermosa?, en palabras do autor- e a experiencia frustrante de padecer un ataque informático que borrou do seu ordenador -?a violencia ruín da perda?- todos os arquivos de moitos anos de traballo, entre ensaios, traballos académicos, poemas, anotacións, fotografías...

“Diario de Crosses Green” supón o regreso de Martín Veiga
á reflexión sobre o tempo e os seus misterios. Esta obra
contén poemas que tenden unha ponte entre esta
e a outra banda do río; que non é só metáfora móbil da vida,
senón que é a vida mesma a acontecer, a se tornar
nitidamente real ante a ollada atenta ao devalo das augas.
Concibido e escrito na súa totalidade en Irlanda,
o autor interrógase neste libro sobre o sentido do lugar
e establece un diálogo aberto cos ecos dunha tradición plural;
mais tamén coas luces e coas sombras do presente
máis visible e inmediato.

1ª edición.