«N’el llabor y afición de asturfilía l’autor tien espublizáu en 2004 Diccionario de sinónimos y equivalencias (Castellano-Asturiano.
Agora, n’esti Diccionariu asturianu de sinónimos a cada entrada de la llingua asígnense-y sinónimos a cada aceición, ordenada y numerada pol diccionariu de l’Academia Asturiana (DALLA, 2000). N’ello radica la so novedá y el so oxetivu.
El tratamientu y exerciciu de los sinónimos constituye vraera ferramienta y sofitu de xorrecer el pallabreru propiu y el perfeccionamientu de la nuesa plática.
La so particular importancia allúgase n’estimular y proporcionar un enriquecimientu léxicu personal: espoxigar y alicar la conocencia del vocabulariu de falantes y d’escritores col envís d’ameyorar la comunicación de les pallabres conocíes con otres equivalentes de mou y manera qu’amás del sentíu xeneral puedan xenerar dalgunos otros emplegos como los lliterarios, figuraos, conversacionales, téunicos, etc.
Dacuando como los cancios, al oyer delles pallabres éntranos alcordances de collacios y familiares qu’emplegábenles tan guapamente.

Esti diccionariu de sinónimos y equivalencias naz col propósitu d'ayudar a estudiantes, escritores y falantes d'asturianu a alcontrar aquello términos que más s'axunten a les realidaes que quieren describir.