"Erros e Tánatos" componse dun conxunto de dez relatos nos que Gonzalo Navaza demostra unha gran soltura no manexo das técnicas narrativas a partir dunha prosa breve, limpa, directa, chea de sentidodo humor, que sorprende ao lector coa súa capacidade para ironizar, para crear intriga e para sorprender."Erros e Tánatos" é un libro magnífico que, con moita claridade narrativa, atrapa ao lector coas súas boas historias, historias e aconementos que se suceden medrando e creando unha grande tensión narrativa que remata nun final sorprendente, un final que explora os territorios do Tánatos por culpa dos Erros do azar.Partindo dunha forma clásica de narrar, Gonzalo Navaza escribiu un libro que divirte, que seduce; é o libro dun narrador eficiente que, sen lugar a dúbidas, constrúe unha obra notable. A presente edición, ofrecida en novo formato e aparencia, revisada polo autor e décima dende a súa aparición en 1996, converte a este monllo de relatos de Gonzalo Navaza nun dos clásicos da narrativa galega contemporánea.

Galardoado co premio de poesía Martín Codax 2000, este poemario leva o título Libra, do que o propio autor destaca que é un lema escollido moi conscientemente. Trátase, como declara, do "único signo do zodíaco de construción humana" e tamén da forma feminina de "libro". Isto pode darnos unha idea de cómo Navaza concibe a súa poesía: para el, é sobre todo arte e artificio, e non expresión dunha suposta autencidade na que non cre, no que atinxe á creación poética. O libro premiado publícase na colección Dombate, onde xa vira a luz o primeiro poemario de Gonzalo Navaza, Fábrica íntima, distinguido co Premio Eusebio Lorenzo Baleirón de 1989.

Este libro gañou en 1989 o premio Eusebio Lorenzo Baleirón, convocado polo concello de Dodro. Hai nestes poemas a delicada confesión íntima dos desacougos persoais, pero tamén a ironía intelixente que os disolve nun elegante distanciamento, así como o culto á tradición literaria ou á reflexión filosófica. Non falta nunca a musicalidade, esa cortesía que os bos poetas poñen sempre por diante do significado máis rotundo dos seus poemas.

As fábulas son pequenos relatos de intención moralizante onde personaxes animais encarnan condutas e caracteres humanos e que foron incorporadas á tradición popular desde hai milenios.
Neste libro o autor refai en versos rimados algunhas das máis coñecidas dun xeito orixinal e divertido.