L'apaición d'esti llibru d'Elías Veiga supón la so incorporación con voz propia a la llinia figurativa de la poesía asturiana, esa llinia blanca que vien apurriendo una visión novedosa de la esperiencia poética y qu'insiste, d'hai dos décades, nel poder comunicativu del llinguaxe y del arte. Elías Veiga busca equilibrar les tres coordenaes ente les que se mueve la mayor parte de la poesía: pensamientu, sentimientu y espresión.Elías Veiga nació en Presnes (Allande) en 1972. Ye diplomáu en Biblioteconomía y Documentación pela Universidá de Lleón y encargáu de la Biblioteca Pública de la Puela.

Con versos que vein enanchando l'infinitu campu de batalla qu'ía la vida ya l'alcordanza, los poemas de «La casa» espurren tamién el tiempu del pasáu ya la memoria. Cona l.lingua de casa, l'asturianu occidental, Elías Veiga vei construyendo un universu simbólicu que retrata de manera directa ya realista la pérdida ya'l desaniciu d'una forma de ser, de tar ya d'entender el mundu: l'Asturias rural, pero tamién universal, que pasín a pasu vei deixando'l posu de la sua vida ente las sombras del silenciu.Elías Veiga (Presnes, Ayande, 1972) ía yá una voz consolidada, pura ya clara, de la poesía asturiana con tres poemarios publicaos: «La tierra fonda» (2004), «Robinson Astur» (2007) ya «Testamentu» (2013).

Cona pal.l.abra serena que da’l pasu del tiempu ya l’alcurdanza, asina escribe Elías Veiga este poemariu que quier ser testamentu d’un mundu que vei cambiando, pero onde tovía al.l.uma'l burrayu de lo que fuora: «Dalgo quedóu, un sueñu, un árbol, / una imaxe d’esperanza, / ou’l recuerdu qu’inda queima / no corazón del augua / la simiente».«Testamentu» ía’l documentu escritu que guarda las pal.l.abras de casa, los sueños de la nuesa xente, tamién las derrotas ya la distancia, pero sobre too l’espíritu d’un pueblu que nos fai ser como somos.Elías Veiga (Presnes, Allande, 1972) ía yá una voz consolidada, pura y clara, de la poesía asturiana con dos poemarios publicaos: «La tierra fonda» (2004) y «El Robinson Astur» (2007), pol que recibióu’l Premiu de la Crítica d’Asturias nel 2008._x000D_

143 pp. Enc. editorial. Gobierno del Principado de Asturias. Consejería de Cultura, Comunicación Social y Turismo. Ed. Trabe. Oviedo, 2007