Después de la quema no es propiamente una antología ni una recopilación de la poesía de Esther Prieto, sino un nuevo libro que se nutre de todo lo escrito por la poeta hasta hoy: los poemarios Edá de la memoria (1992) y La mala suerte (2000, Premio Teodoro Cuesta de Poesía 1998), junto con poemas publicados en revistas y periódicos, además de otros inéditos. Como una cebolla, de esta manera fue creciendo este poemario, con poemas que dialogan entre sí y versos que preguntan y, páginas después, en otros poemas, encuentran respuesta.
En versión bilingüe asturiano-castellano, Tres de la quema / Después de la quema pretende dar a conocer al público no astur-hablante la obra poética de una de las voces fundamentales de la segunda generación del llamado Surdimientu asturianu.

Perguapa guía de Uviéu pa la xente más menudo. Con ilustraciones a tou color y escrita en 3 llingües (asturianu, castellanu y inglés) avéranos a los rincones más interesantes de la capital del Principáu. Inclúi direcciones, teléfonos, coordenaes GPS y códigos QR pa la xente que quede con ganas de saber un pocoñín más. Tapa dura.

Segundu númberu de la colección «Reciella», «Cómo toi», ye un llibrín pa prellectores, guapu y cenciellu a la vez. Más visual qu'otra cosa, quier averar la reciella más nuevo al conocimientu del asturianu dende los primeros díes. Ilustráu de manera espléndida por Nanu González.

«Cómo soi» ye un llibrín pa prellectores, guapu y cenciellu a la vez. Más visual qu'otra cosa, quier averar la reciella más nuevo al conocimientu del asturianu dende los primeros díes. Ilustráu de manera espléndida por Nanu González.

Esti pequeñu llibru de poemes valió-y a Esther Prieto (Arenas de Cabrales, 1960) pa que la crítica-y prestara atención y pasara a ser ún de los poetes meyor valoraos d'ente les nueves xeneraciones. En 1992, cuando se publicó, foi una de les mayores novedaes lliteraries. Los poemes d'Esther, poco conocíos, publicaos malapenes en revistes d'escasa difusión, fechos dende la reflexón y l'alcordanza, llograben asina la sonadía que merecíen. La memoria de la vida, l'amor, el tiempu de la infancia, los llugares conocíos y vivíos o aquellos que resulten sentimentalmente cercanos conformen la materia del llibru, onde tán presentes el compromisu políticu o una cierta incapacidá d'adaptación a les convenciones sociales.

«Güelu Ismail», Premiu «Xosefa Xovellanos» de Novela del añu 2001, ye un percorríu pela historia del pueblu palestín a lo llargo de la primer mitá del sieglu XX. Dividida en trece capítulos y un epílogu, nella prodúcense númerosos saltos nel tiempu, dende'l pasáu reflexáu nos recuerdos del güelu Ismail hasta'l presente narrativu, representáu pol neñu Nader, el ñetu preferíu.Esta novela, amás, ye la primera escrita n'asturianu por una muyer dende qu'Enriqueta González Rubín publicara nel 1875 «Viaxe del tíu Pacho el Sordu a Uviedo».Esther Prieto (Arenas de Cabrales, 1960) diose a conocer como poeta nel 1992 con «Edá de la memoria» y nel 1998 ganó'l Premiu «Teodoro Cuesta» de Poesía con «La mala suerte» (2000). Responsable de la edición lliteraria de la obra de Llorienzu Novo Mier (1991) y Cuno Corquera (1993), nel añu 2005 publicó «Gramática d'asturianu. Guía de consulta rápida», resultáu del so llabor profesional de correctora editorial. Collaboradora nel periódicu «Les Noticies», delles de les columnes ellí publicaes recoyóles nel volume «Chicolate espeso» (2015). En «Tres de la quema» (2016), n'edición billingüe asturianu-castellanu, reúne tola so poesía, la yá publicada nos poemarios mentaos más p'arriba y dellos poemes nunca nun editaos en llibru.

Si la publicación del primer llibru de poesía d'Esther Prieto, «Edá de la memoria» (Trabe, 1992), supunxo la sorpresa de descubrir una voz madura y desnuda nuna obra que yera una crónica de la iniciación al mundu y la ganancia del dolor, esta segunda entrega, La mala suerte, confirma a l'autora como ún de los nomes imprescindibles del panorama lliterariu. Con esti llibru ganó en 1998 el prestixosu premiu «Teodoro Cuesta» de poesía. La mala suerte ye un conxuntu de poemes breve ya intensu, nel que l'autora, cola contención espresiva que la caracteriza, onde nada sobra, al empar que s'interroga sobre la muerte fai un repás poco complaciente a l'«aciaga mayoría», a esos momentos de la vida que paez que la fain verdaderamente inútil, cuando tolos caminos lleven «...hasta esti día/ como zrezu xaponés que nada guarda/ y mira pal suelu, de revés, plasmáu y sordu». Esther Prieto nació n' Arenas de Cabrales en 1960. Amás de la obra poética yá reseñada ye coautora d'un llibru de lliteratura infantil, «El curiador d'estrelles» (1987), y responsable de la edición lliteraria de la obra de dos autores de postguerra, Llorienzu Novo Mier (1991) y Cuno Corquera (1993). La so obra ta incluyida nes principales antoloxíes poétiques asturianes y, con dos cuentos, na antoloxía «Muyeres que cuenten» (Trabe, 1994). Ye collaboradora habitual del selmanariu «Les Noticies».

Les minicolumnes que formen «Chicolate espeso» fueron escrites pa publicar en «Les Noticies», selmanariu n'asturianu yá desapaecíu hai un tiempu. Nun tán recoyíes toles que fueron apaeciendo a lo llargo de dellos años en dos etapes distintes: la primera entamó a finales del sieglu XX y la última acabó col pieslle'l selmanariu, nel 2012. Les qu’apaecen equí tán dataes ente los años 2000-2002 y 2010-2012. Al pesar del tiempu pasáu, nun perdieron gota d'actualidá y, d'esa manera, quien pose nelles la vista y llea, va atopar les mesmes zunes, porgüeyos y esperances d'antañu, porque la historia, bien de veces, anecia en repetise. Son, como diz el prologuista, «textos finos, ocurrentes, precisos: sorbiatinos llambionos qu’entonen la mente y dan qué pensar».Esther Prieto (Arenas de Cabrales, 1960) diose a conocer como poeta nel 1992 con «Edá de la memoria» y nel 1998 ganó'l Premiu Teodoro Cuesta de Poesía con «La Mala suerte» (2000). Con «Güelu Ismail» algamó’l Premiu Xosefa Xovellanos de Novela 2001 y unos años más tarde (2005) publicó «Gramática d'asturianu. Guía de consulta rápida», resultáu del so llabor profesional de correctora editorial.

Perguapa guía de Xixón pa la xente más menudo. Con ilustraciones a tou color y escrita en 4 llingües (asturianu, castellanu, inglés y francés) avéranos a los rincones más interesantes de la villa de Xovellanos. Inclúi direcciones, teléfonos y códigos QR pa la xente que quede con ganas de saber un pocoñín más. Tapa dura.