Mortina ganbarara igo da lagunekin, Halloween ospatzeko jantzi aproposen bila. Gurasoek idatzitako postala topatzen du bertan. Haien berri izan zuten azken aldian bidaia luze batean abiatuak ziren, baina ez dira harrezkero inoiz itzuli. Non ote daude? Haiek non dauden jakin nahi dutenez, ikertzaile lanetan murgildu eta fantasia baliatuko dute. Betilun erbi-txakur fidelak, Dilbert lehengusuak eta Mortinaren lagun guztiek ekingo diote haren aita eta amaren bilaketari... Aurkituko ote dituzte? Nazioartean arrakasta itzela lortu duen neskato zonbiaren abentura berri bat. Jada hogeita hamar herrialdetan argitaratu dituzte Mortinaren ibilerak

Ikusi al duzue inoiz katurik ez duen sorginik? Puffy kale katua ia guztiz beltza da, eta berarekin egoteko norbaiten bila dabil. Brunilda ile gorri eta ugariko neskato bihurri samarra da, eta mila gelako etxe ikusgarri batean bizi da. Egunez loradendako laguntzailea da eta gauez sorgingai bihurtzen da. Hegaldi-estreinaldia eginez sorgin osoa bihurtzeko, gauza bat baino ez zaio falta: katu beltza! Egun handia badator eta katutxoa ez da ageri. Orduan, bat-batean, kaleko ibiltari txikiak burua sartuko du dendako atetik. Eta Puffyk buztanaren punta zuria badauka ere, Brunildak jakingo du huraxe dela etortzeko zain zegoena. MORTINA SAILA, HOGEITA HAMAR HERRIALDETAN ARGITARATU DUTE JADA. NAZIOARTEAN ARRAKASTATSUA IZAN ONDOREN, HONA EGILE BERAREN ISTORIO BERRI ETA JOSTAGARRI BAT, BI PERTSONAIA SAMUR ETA AHAZTEZIN DAUZKANA.BIEK ALA BIEK MAGIARIK AHALTSUENA ADISKIDETASUNA DELA GOGORARAZTEN DIGUTE.

Oporretan dago Mortinaren familia, aspaldiko partez! Helmuga, Vila Loretsu dute, izeko Meguera eta lehengusu Dilberten etxea. Baina atsedenak gutxi irauten du: hala-holako burokrata batek villa jenderik gabe dagoela eta enkantera atera behar duela jakiten du Mortinak. LOrtuko ote du berandutu baino lehen hura salbatzeko irtenbideren bat aurkitzea?

Mortina eta bere lagun Betilun, erbi-txakur albinoa, izeko Angustiasekin bizi dira. Halako egun batean, ezustean, Dilbert lehengusua agertzen da Villa Dekadenten gonbidapen misteriotsua jaso duela argudiatuta. Mutiko esnoba eta handiputza da Dilbert. Mortinak ez daki ezer gonbidapen horretaz eta izeko Angustias ez dago inguruetan, bat-batean desagertu egin dela dirudi. Eta hori guztia nahikoa ez balitz, Mortinnaren lagun diren herriko zenbait neska-mutiko ere antzeko gonbidapen batekin agertzen dira.

Mortina neskatoa da, baina ez besteak bezalakoa: neska zonbia da. Villa Dekadenten bizi da izeko Angustias eta beti berarekin dabilen Betilunekin, bizirik edo hilda dagoen jakitea zaila den txakurrarekin batera. Mortinak bere adineko lagunak izan nahiko lituzke, haiekin jolastu eta ondo pasatzeko, baina izekok ez dio uzten besteen aurrean agertzen; izan ere, jendea ikaratuko luke. Halako egun batean ezusteko aukera du: Hallowen jaia! Mortinak ez du mozorrorik behar... Baina zer gertatuko da gainerako umeak Mortinak mozorrorik ez daramala jabetzen direnean?