Bilboko Udaleko Kultura eta Hezkuntza Sailak, duela hiru hamarkada baino gehiagotik, Gabriel Aresti Ipuin Lehiaketa deitzen du idazle bilbotarraren omenez. Lehiaketa horrek bigarren helburu bat ere badu, literatur sorkuntza bultzatzea, hain zuzen ere.
Liburu honetan biltzen dira 2012. eta 2014. urteetan irabazi zuten kontakizunak, Arrate Egaña, Uxue Alberdi, Ekaitz Goienetxea eta Laida Martínez idazleen lanak. Euren literatur kalitatea ikusita, ipuin horiek argitaratzeak merezi izan du, literaturaren eta egile handi guztiek landu duten genero honen zaleen gozamenerako.
Lanek gaiei eta estiloari dagokienez duten aniztasuna dela eta, koadernatutako bitxi txikiak direla esan dezakegu. Zurrutada laburretan gozatzeko irakurketa.

Gau erdian munstro bat topatzea ez da planik onena. Beldurrak bihotza hormatzen dizu. Hala ere, horrelako elkartze ikaragarrietatik sendotxoagoak irten gaitezke, apur bat ausartagoak eta askoz ere nagusiagoak... Munstro izugarriak dabiltza gure ondoan batzuetan. Munstro izugarriak dabiltza gure ondoan, bai.

Goizean ohetik altxatu eta gauean lotaratzen den bitartean umeak egiten dituen kronikatxo bat da. Azken batean, ni naizen guztia: jaiki, gosaldu, erdi-lotan eskolara, gauzak ikasi, jolas-orduan lagunekin jolas egin, eguerdirako gosetuta etxera...

Animaliazale izan naiz beti, primeran ulertzen dugu elkar. Zakurren buztanaren mugimenduak ulertzen ditut, baita katuen keinu dotoreak edo behien begirada urrunak ere. Horregatik, ez nuen birritan pentsatu: txitatxo bat nahi nuen.