1989ko martxoan argitaratu zen Punkiren lehen istoriotxoa Ipurbeltz haurrentzako komiki aldizkari mitikoan. 2008an izan zuen itxiera data aldizkariak. Nobelaturik argitaratu zituen, pertsonaia protagonista harturik, bost liburu 1997 eta 1999 urteen artean Roger izeneko argitaletxeak -dagoeneko desagerturik dena-. Arrakastaz oharturik, eta Punkik euskal munduko haurren artean izandako transzendentzia ikusirik, Bilboko Desclée argitaletxeak bost liburu haiek berreditatzea erabaki zuen 2007 eta 2009 urteen artean. Berriz ere jaso zuen Punkik adin guztietako irakurleen baiezkoa. Hori dela eta, aurrera pausoa eman eta istoriotxoen aukeraketa eta bost nobelen argitalpenari bide eman diogu, antologia bat denaren baitan. Ez dira bildu Punkiren abentura zoro guztiak, baina bai horien eredu diren hainbat eta hainbat, pertsonaiak iraun zuen ia hogei urte haietan jasandako garapenaren erakusgarri.

Antton Dueso

Punkiren istoriotxo bat lehen aldiz Ipurbeltzen irakurri nuen, haurrei zuzenduriko komiki aldizkari dagoeneko historikoan. Merkatutik at geratu behar izan zuen hogeita hamar urtetan gogor eutsiz hilero argia ikusi zuen aldizkari hark, belaunaldi berriagoetako irakurleen eskasiagatik. Komiki aldizkaria baizik Ipurbeltz banku bat izan balitz (banketxeez ari naiz, ez parkean egon ohi diren horiez), ziurrenik instituzioek (autonomiko, estatu-mailako eta europarrek) esku hartuko zuketen, desagerpenaren ertzean zegoen une berean milioi kopuru handi bat sendagai gisa erabiliz.Baina ez zen hala izan: Ipurbeltz erabat desagertu zen azkenean. Hala ere, zorionez, ez zen berdin gertatu Punkirekin, aldizkarian bere txokoa zuen pertsonai ezagunenetariko eta maiteenetarikoarekin (ezagunena eta maitatuena ez bazen).Laburbilduz, Punkiren pasadizo ezberdinen bilduma honekin gozatu dezazuela neuk bezainbeste, eta ea ez diren horrenbeste urte igarotzen hurrengoaz gozatzeko.

Joxean Lopetegi BritLope

Ez bazara kakatia edo zure beldurrak gainditu nahi badituzu izan zaitez ausarta eta murgildu zaitez hamar ipuin hauetan. Hori bai, badaezpada, gauero oheratu baino lehen begiratu ohe azpian.Espiritismo saioa BirziklatzeaOhe azpianVuduaHaziaItzalaMamuarekin berriketanAkelarreIgarleaBanpiro baten istorioaAntton Dueso Pasai Donibanen jaio zen 1962an. Marrazkilaria, diseinatzailea eta idazlea da besteak beste. Laurogei liburu baino gehiago ditu bai haurrentzat bai gazteentzat. Hildako baten txangoa, Mundua ez da eta ez da ere ez!, Hi bai matxista zikiña!, Bozateko egunkaria, Arrautza egosiaren eguna, Fermintxok ez du gezurrik esaten eta Punki bildumako ipuinak.

Gandor gorriko Punki oilartuarekin, ohiko haur-gazte literaturatik at, ikasleei benetan interesgarri zaizkien gaietan murgilduko gara.
Antón DuesoPasai Donibanen jaio zen 1962an. Marrazkilaria, diseinatzailea eta idazlea da besteak beste.Hogei liburu ditu bai haurrentzat, Hildako baten txangoa bai gazteentzat, Mundua ez da, eta ez da ere ez!, Hi bai matxista zikiña!, Bozateko egunkaria, Arrautza egosiaren eguna eta Fermintxok ez du gezurrik esaten.

Goizean goizik, jaiki eta, lehenengo-lehenengo, komunera joan eta txixa egin du Matias Txipirogoitia almiranteak. Doministiku egin eta airean ihesi joan zaizkio hortzordeak, komuneko zuloan erori arte, txixa epeletan. Eskua komuneko zuloan sartzera joan da hortzorde ederrak ateratzeko, eta bere burua ikusi du likido horian. Eta ikusi duena ez zaio batere gustatu, ez horixe! Ispiluan begiratu du, ongi ikusi ote duen jakin nahirik. Badaezpada ere, badakizue. Baina, zoritxarrez, ez dago okerrik! Hantxe dago, bere sudurraren puntaren puntan: granoa! Kanika baten tamainako granoa!