Chen de Chistén

Malas que toz han preso el bulló, a la un el tiens escarcotando es tizons que son cremando en el fogaril; a l'atro metendo más tieda en el candelere; a male filando el zaguere rebús de cañimo; a la choven fendo cualque madaixa; a la minchana ensoletando un peazo; a l'amo, tot badallando, embatallando una esquilla; al fillo pretando fuego al fumarro con un cagüerno preso d'el caminal, y las berras de lironé entonando las suyas queixas dende las brandas y dando entrada a pale, que ya ye empecipiando un cuento en el que, al poquet, tot se i habrán enfongau, entre sospiro y silencio.
Ixe apuramente ye el sentire cuan s'obre cualque pagina de Chen de Chistén, perque cada entrevista se nos arrociega basta un mundo magico, viviu y sentiu, y ye como si nos i arredoldasen debán de la flama en una vilada de las d'antes.
Y ixa ha estau la gran feta de l'autor qui, cot-cot, ha sabiu entrá-le a cada presona per el lau más suyo, y al seguiu ha sabiu estarrunquiare, con las parolas y frases que cal, retratos d'hombres y mullés empocingaus de contino en la cultura chistabin