logo paquebote
2559 libros encontrados buscando Materia: Libros de en gallego

Orden: · Ver: · Tipo:
ISBN:

978-84-9121-492-2

Elisa e Marcela «Amigas e amantes»

Editorial: Xerais   Fecha de publicación:    Páginas: 312
Formato: Cartoné, 14,5 x 21 cm.
Precio: 17,00
Añadir a la cesta
Disponible. Normalmente se envía en 3 días.

Elisa e Marcela, dúas mestras galegas, protagonizaron en 1901 un dos primeiros matrimonios entre persoas do mesmo sexo. Elisa Sánchez Loriga, convertida en Mario, e Marcela Gracia Ibeas casaron na igrexa de San Xurxo da Coruña o 8 de xuño dese ano. Unha vez descuberto o «matrimonio sen home», foron obxecto dunha persecución que as obrigou a buscar refuxio, primeiro en Portugal e logo na Arxentina.
Neste libro relátase a súa historia. En palabras do escritor Manuel Rivas, «temos un libro que é algo máis que un libro. Aquí está a novela de Elisa e Marcela que non foi quen de escribir dona Emilia Pardo Bazán». O autor ilumina dúas vidas unidas pola amizade e o amor, reconstrúe a actuación das autoridades académicas e xudiciais e analiza a repercusión pública dos feitos. Tamén achega novos datos sobre a andaina de Elisa e Marcela por terras arxentinas.


ISBN:

978-84-9121-482-3

O raposo aviador que voa sen motor

Editorial: Xerais   Fecha de publicación:    Páginas: 40
Formato: Rústica cosido a fío, 13,50 x 19,00
Precio: 12,50
Añadir a la cesta
Disponible. Normalmente se envía en 3 días.

Este libro conta a historia de Paquiño, o primeiro raposo que se fixo aviador e que foi, probablemente, o mellor de todos cantos houbo e haberá entre os que saben voar sen avión e sen motor.
Despois de moito afociñar, aprendeu a tomar voo e a aterrar como os avións e os helicópteros. E tamén aprendeu a amarar, que é como se di cando se pousa no mar.
Un día Paquiño quixo voar ata cruzar a liña do horizonte. E foi. E ben que o pasou!
E ti tamén o has pasar ben se comezas este conto polo principio de todo.


ISBN:

978-84-9121-481-6

Historia da Literatura Galega IV «De 1936 a 1975. A " longa noite "»

Editorial: Xerais   Fecha de publicación:    Páginas: 544
Formato: Rústica cosido a fío, 17,00 x 24,00
Precio: 25,00
Añadir a la cesta
Disponible. Normalmente se envía en 3 días.

Con este cuarto volume, Xosé Ramón Pena continúa o ambicioso relato da nosa historia literaria que iniciou hai máis de cinco anos e que conta cos seguintes títulos: «Historia da Literatura Galega, I. Das orixes a 1853» (Xerais 2013); «Historia da Literatura Galega II. De 1853 a 1916. O Rexurdimento» (Xerais 2014); «Historia da Literatura Galega III. De 1916 a 1936. A xeira das Irmandades» (Xerais 2016), e «Historia da Literatura Galega IV. De 1936 a 1975: A longa noite» (Xerais 2019).
En liña co labor anterior, o autor alicerza unha narración documentada da etapa que transcorre entre as tráxicas xornadas de xullo de 1936 e os últimos días de 1975. Trátase do período da «longa noite de pedra», a partir do célebre título de Celso Emilio Ferreiro, pero tamén, desde mediados dos anos 60 e ao longo da primeira metade dos 70, do momento en que se anuncia a alborada do Segundo Rexurdimento das nosas letras, que se habería de producir tras a fin da ditadura franquista e a restauración das liberdades democráticas en España. Corenta anos de sombras e de marxinación, pois, mais tamén corenta anos de loita, de esperanzas e de logros decisivos, alumeados polas luces escintilantes dalgúns dos nomes e dos textos máis significativos na traxectoria das letras de noso.
Percibir a obra literaria como parte dun organismo vivo, resultado da interacción constante entre a mobilización galeguista/nacionalista e os proxectos dos diferentes autores; considerala nas coordenadas socioculturais e sociopolíticas; procurar a textualidade de cada creador; abordar o macrotexto que se conforma nas súas converxencias verticais e horizontais, todo iso determina a proposta que Xosé Ramón Pena leva a termo, alén de prexuízos e de clixés, ao longo destas páxinas. Sen dúbida, un percorrido a través dun tempo tan cheo de dificultades como fascinador.


ISBN:

9788484643715

A árbore dos soños

Editorial: Kalandraka   Fecha de publicación:    Páginas: 128
Formato: 23,5 x 15 cm.
Precio: 14,00
Añadir a la cesta
Disponible. Normalmente se envía en 3 días.

En plena crise de creatividade, incapaz de entregar un libro comprometido, unha sorprendente nova no xornal -a detención dun home por escribir sobre as árbores e os paxaros- esperta a solidariedade dun autor que decide escribir cinco relatos protagonizados por árbores para esixirlle ao xuíz que o seu colega descoñecido sexa inmediatamente absolto. E así, como o zume das plantas, comezan a fluír as ideas e os personaxes: unha árbore namorado, a árbore do patio dunha escola, un semáforo e un bonsai que arelaban ser árbore, e unha árbore soñadora.


ISBN:

9788491215004

Valentes. Un proxecto para a Igualdade «Proxecto Interésame! 2019»

Editorial: Xerais   Fecha de publicación:    Páginas: 76
Formato: 30 x 21 cm.
Precio: 17,50
Añadir a la cesta
Disponible. Normalmente se envía en 3 días.

Non hai nada máis normal que ser diferente. As persoas valentes non sempre fan ruído, pero son multitude, e cómpre que sexan ben visibles: cando berran ou calan, cando senten, triunfan ou padecen, cando constrúen camiños de igualdade e diversidade, cando defenden o dereito a ser diferentes e capaces, sen prexuízos, cando lles dan voz aos seus corazóns con latexos de afouteza, respecto, compromiso, reflexión... Transmitir que a diversidade suma e as diferenzas enriquecen forma parte desta proposta didáctica. Un proxecto coeducativo plural e inclusivo baseado en aprendizaxes respectuosas de convivencia e en metodoloxías activas.
Porque somos diferentes...
pero non desiguais!


ISBN:

9788417552114

Cinco minutiños máis

Editorial: Blackie Books   Fecha de publicación:    Páginas: 32
Formato: 28 x 22,4 cm.
Precio: 14,90
Añadir a la cesta
Disponible. Normalmente se envía en 3 días.

O tempo, que cousa tan curiosa. Papá fala seguido dese tema. Pero eu creo que sei máis do tempo ca el...


ISBN:

9788416721351

As miñas nanas negras

Editorial: Faktoría K de Libros   Fecha de publicación:    Páginas: 192
Formato: 20,5 x 13,5 cm.
Precio: 15,00
Añadir a la cesta
Disponible. Normalmente se envía en 3 días.

?As miñas nanas negras? recompila 25 contos cos que a autora lle rende homenaxe á narración oral da súa rexión natal, o Chocó colombiano, situado entre o Caribe e o Pacífico. Cada historia -que rescata da memoria da nenez- é un canto alegre á vida, partindo do ritmo e do baile como principais argumentos. As protagonistas destes relatos imaxinativos son mulleres de raíces afrocolombianas nas que ese ritmo vai asociado a unha parte concreta do corpo: a boca, o corazón, as nádegas, as cadeiras?


ISBN:

9788484644262

O segredo de Avó Oso

Editorial: Kalandraka   Fecha de publicación:    Páginas: 40
Formato: 25,5 x 18,5 cm.
Precio: 15,00
Añadir a la cesta
Disponible. Normalmente se envía en 3 días.

Coma un borrón de tinta chinesa sobre un caderno en branco. Así cae a sombra de Mamá Corvo sobre as árbores. Arroupado coa súa manta de neve, o bosque dorme. Mamá Corvo gralla dende unha póla. ?Cinco minutos máis ?bocexa o vento... O bosque é o nevado escenario onde se atopan Mamá Corvo e Avó Oso, que interrompeu o seu letargo invernal, incapaz de lembrar onde agochou un segredo. Non está entre as árbores, nin no tobo, nin na lagoa? e a inseguridade da dúbida faino sentirse vulnerable. O misterio envolve esta fermosa obra narrativa na que a natureza é un personaxe máis; unha natureza humanizada pola poética do texto de Pedro Mañas, con metáforas que acentúan o ton descritivo da historia.


ISBN:

978-84-9121-477-9

Transmatria

Editorial: Xerais   Fecha de publicación:    Páginas: 112
Formato: Rústica, 14,50 x 22,00 cm.
Precio: 12,50
Añadir a la cesta
Disponible. Normalmente se envía en 3 días.

Transmatria é un libro contundente, comprometido, con versos que agroman do corpo e da súa capacidade transformadora. Os seus poemas constrúen unha escrita a favor da dignidade, das identidades sexuais e de xénero, empregando unha lingua que quere renacer, renovarse e ser libre. Este libro de Daniel Asorey Vidal abre un espazo sen muros, pon en valor a sociedade desposuída e bate en nós a través dunha mensaxe íntegra, chea de rebeldía, insumisión, vitalidade e futuro.


ISBN:

978-84-9121-476-2

Rosalía feminista

Editorial: Xerais   Fecha de publicación:    Páginas: 112
Formato: Rústica, 14,50 x 22,00 cm.
Precio: 12,50
Añadir a la cesta
Disponible. Normalmente se envía en 3 días.

A poesía de Rosalía de Castro agroma nun triángulo de furias: a reivindicación das mulleres; a meniña gaiteira que tatexa palabras inaugurais dunha nación non prevista; e a ira contra a precariedade, a compaixón polas persoas inocentes e tristes, a certeza da vulnerabilidade. Nese triángulo de furias afírmase a Rosalía feminista. Dálle voz á moza, á violada, á solteira, á vella, á nai obrigada a deixar o fillo só, ás mulleres confinadas entre o amor romántico e unha idea estreita de familia. Avisa dos perigos do gaiteiro da festa, do emigrante que non ha volver, da violencia do poder. Defende a xustiza pola man. E crea a viúva de vivo: esa muller soa, sen rostro, sen amor e tamén sen amo que resolve, como unha Penélope navegante, deixar de agardar.




Si no ha encontrado el libro que busca, pinche en nuestro servicio de Pedido Directo y pídanoslo.

Volver a Página Principal

Otras novedades


© Paquebote 1998-2019 Todas las secciones | Ayuda | Aviso Legal