Xinfu e Wini levan unha vida tranquila na casa do seu dono, mais todo cambia cando Wini atopa un óso enterrado no seu xardín. O anaco de óso en cuestión semella ter algo moi especial que fará que os nosos protagonistas viaxen a outro mundo, embarcándose nunha aventura máxica e chea de acción.

Un exército baixo a auga? É que se volveu tolo o autor? Xinfu e Wini regresan, desta vez coa responsabilidade de salvar a súa cidade dunha misteriosa ameaza. Coma se dunha lenda da antiga China se tratase, esta nova aventura conta tamén a viaxe do heroe e as consecuencias que debe afrontar cando protexe os demais.